Highfiber 0.0

Parts musta na da? Daw name gid porma ta haw? Pungko di bala anay…sige na tagay na ta..Lamig sang gab-I oh! Pul-mon pa! sige na pahuwayhuway di bala anay. Pungko na parts..Indi? din ka makadto haw? Daw dako gid problema, sturyahanay ta bala anay. Din ka? Makuha Visa? Maapply passport? Din ka paDubai? Parts ngaa haw? Tamad ka na gid di sa Pilipinas? Pungko ta bala sturyahanay ta…
Ano problema naton haw? Indi ka maghambal bilin mo na kami di…Hambalan na gid nga indi maghambal pro! Ti manu ka ya? Mamaid sang mga Hapon? Magin construction worker sang mga Arabo? Dayun indi ka na di magbalik? Indi ka na gid magpakita? Ginago na imo ya parts! Daw wala lang ta naging miguhanay ba! Daw wala lang gid ta nagkilalahanay sang bainti sa tuig..yugs parts tontohanay na na ya…
Sige pungko na da, malitanya ko subong, mapautwas ko sa mga tawo nga gakalimntan na ang kasadyahan sa pag-istar di sa Pilipinas, Oo parts hubog na ko, mati ka lang bala mawaras ko di karon. Bal-an mo parts ang Pilipinas daw ido ko sa balay, Oo ang galison ko bala nga ido, ang askal bala nga gapaligo sa basurahan sa kilid. Kita mo tsura ya? Daw Zombie Dog, 1B to cast 0/1 Black Creature pay B regenerate Zombie Dog.
Amo na siya, ang tsura ya bala daw pinaglihi sa ilaga. Amo to nga ido ang kung tulog ginasal-an nga kiinbunguan sang jeep. Pro palangga ko to ang ido ko parts, ang iya galis, ang kambang nga mata, ang lawas nga daw may gastroenteritis amok o to siya ka palangga. Biskan ano ka hambal ni Nanay nga ihaboy na siya indi ko gid na ihaboy, dumduman mo to ang cute nga ido nga kinbakal sang magulang ko? Pedigree kuno 15,thou bakal ya, ti din to subong? PATAY! Lantawa ya ido ko mauna pa ko ni sa iya. Indi gid ni ya mapatay. Amo ang Pilipinas pre! Zombie Dog! Pay 1 Black Regenerate Zombie Dog!
Gets mo na pre? Bakal to anay bi Redhorse mala na tutunlan ko, tapos na nag first reading maginhawa ko anay kay lapit na lang ang akon second reading…Ara na ang redhorse? Ang ice ya? Ang malboro? Ok sindihi bi, sige ready mati parts ha ta mo gayuhom ka na subong…mayo mati pa.
Kabalo ka ano problema sa Pilipinas nga indi naton mapalangga? Kay ang Pilipinas sa ngalan pa lang indi na aton, ngalan ni sang Hari sang Espanya.. Daw kinpangalan mo sa bata mo bala ang ngalan sang inyo pihak balay o ang ex sang imo asawa…ti mapalangga mo pa na ayhan? Nga sa kadatulok mo sa imo bata sa kada pamati mo sa iya ngalan daw mabatyagan mo nga indi na siya imo. Daw hinulam bala pre daw kinhulam mo lang imo bata kag maabot gid na tiyempo nga sukton ka. Pilipinas Phillipe. Ta mo? Indi gid ya makabayan! Ano bi nami ingalan? Josenas? Juana? Ako gusto ko Maria…bayang Maria o aking mahal. Two birds with one stone! It speaks of being native as well as both religious and folk at the same time! Si Maria ang nanay sang kalibutan kag si Maria nga tagabantay sang Bukid nga Makiling kag si Maria nga gabiligya fishball sagwa. Si Maria nga palatuon ta nga klasmeyt, si Maria nga nagatudlo, si Maria nga gapanilhig, damo Maria Parts!
Bagay gid ya nga babayi ang ngalan sang aton banwa. Kay ang lalaki daw ka brusko, ka tikalon, sa palaaway pro ang Pinoy mapalangga, mabuot, pasensyoso, kita nga mga pinoy indi lang daw babayi daw mga nanay gid! Ano? Daw naagi-an ka parts? Hehehe..mas nahadlok pa ako sa Nanay nga ang iya bata imo napahibi kaysa sa Tatay.. Hell hath no fury as a women scorned! Indi mahuya parts ah..pro Men man ini nga idea, lantawa bala ang pinoy nga lalaki basta makakita bayi nga ginaaway gapula ang mata, nga tulo ang laway, gakurog ang kamot, gakarabies ta parts! Amo na nami nga Maria ang ingalan sa aton banwa sigurado mas maplangga ta pa gid na.
Oh mangihi ko anay, Parts di ka maglakat ha? May gospel pa nga masunod. Pungko lang da kag mag-inum inum, mabalik lang ko Pramis.
Budlay palangaaon ang bagay nga daw wala gapalangga sa imo. Storyahan ta ka sang akon nga natypan sang una. Gwapa, nami sang yuhom, alam, pirme ya lang ko ginapakadlaw, Parts true love to ya para sa akon. Daw wala na gid iban pa nga babayi nga napalangga ko kaysa pag palangga ko sa iya, pero ano natabo? Wala! Diputa Parts Wala! Ngaa? Kay wala ya ko kinpalangga. Biskan ano kahambal ko kag pakita sa iya wala gid ya…ti amu na nadula na lang ang paghigugma ko sa iya. Pro indi pa tapos ang storya, nakit-anay kami sang iya miga gina, nagreminisce kami sang kasadyahan sang sinauna. Kinmangkot ko siya kung musta na to siya, hambal ya amo man gihapon. Mangkot ko man siya kung kinpalangga man ko to niya..Bal-an mo sabat ya parts? OO! OO! Palangga ya man ko! Ako ya kuno ang tanga kay wala ko nakita nga ginapalangga man ko. Yuha to siya gali sa akon, kag grabe gid ang pagkasubo ya sang nadula na ko. Ta mo? Ang pagpalangga parts damo na style kag form daw martial arts bala, prehos bi ikaw ga flying crane ako ya gacrouching tiger lain ang aton style pro martial arts ma na gihapon. Palangga ya man ko gali galling lang lain ang pagpakita ya sa akon nga wala ko gid nakita. Gets?
Ari pa gid, palangga mo Nanay mo no? Oo eh! ako gani palangga ko man Nanay ko. Ti kung palangga mo Nanay mo, palangga mo man balay mo noh? Nan kay palangga mo balay mo palangga mo man syudad mo, dayun palangga mo ang Iloilo kay palangga mo syudad mo, in the end ma prends, palangga mo ang imo banwa, ang bilog nga Pilipinas kay palangga mo Nanay mo, Tatay mo, Utod mo, Tiyo mo, Tita mo, Nobya mo, Migo mo. Amo ma na gakatabo sa iban nga mga tawo, ang mga kano, mga arabo,mga intsik, mga hapon. Tanan na sila ginapalangga ang ila ginaistaran kay dara gaistar ang ila pinalangga. Bal-an mo parts ang goddess of Love sa Egypt? Si Ishtar! Kita mo? Si Ishtar in ilonggo home! Nan! that’s what love is all about my friend, Loving is being home.
Ay ubos na ilimnon ko parts. Matulog na ko daw hubog na gid…di ka maglakat ha? Kung maglakat ka man mabalik ka di ha? Kita man lang makapalangga kay Maria. Sin-o pa bi pangayu-an ya bulig?